رواية من اجل حبها تغيرت الفصل الثالث 3 بقلم نشوه عادل
-التف الجميع لمصدر الصوت واتصدموا من اللى شافوه بما فيهم فجر وعشق بعد ما استوعبوا الموقف صرخوا بصوت واحد: فهههههههد
فهد بغمزة: ايوة فهد يحيى الهلالى
جريت عليه فجر وحضنته جامد وبدموع: حمدالله ع السلامة يا حبيبى انت بقيت شبه بابا اوى
فهد وهو بيمسح دموعها: لاااا انا استحمل اى حاجة فى الدنيا الا دموعك دى غاليين عليا اوى يا ست قلبى
ابتسمت فجر وقالتله: اصلا اخويا طول عمره قمر عارف لو مكنتش اخويا كنت اتجوزتك
ضحك فهد بصوت عالى عشان تبرز الغمازة وتبان كل ده تحت نظرات عشق الهيمانة ... اسد: حمدالله ع السلامة يا برنس
فهد: اكيد عايز حاجة جيب من الاخر يا ابن عمى
اسد: احم حيث انى الاسد ملك الغابة وانت الفهد وكده بعطيك امر انك تدينى البرفيوم بتاعك سايج عليك النبى يا كمال تسيبهولى😂
فهد بضحك: متقلقش جايب لكل واحد فيكم من نفس النوع وفيه انواع تانية برضه تجنن جيبتلكم منها
عدى: اصلى يا ابن عمى طول عمرك رجولة
فهد وهو بيبص فى ساعته: طيب استأذن انا عشان فيه شوية اوراق مهمة لازم اخلصها
فاروق: طيب مش هتاخد عشق معاك توصلها فى طريقك؟
فهد بتنهيدة: ملوش لزوم يا جدى عشق دلوقتى فى تالتة جامعة يعنى كبيرة ومسؤلة عن نفسها وكمان بقالها اسبوعين بتروح من غيرى فعادى يعنى يالا سلام
خرج فهد وعشق اتضايقت جدا خرجت وراه وندهت عليه: فهد... فهد....... فهد
لكن مردش عليها فوقفت ادامه مباشرة وهو كان حاطط الايربود عشان كده مسمعهاش شال واحدة منهم: فى حاجة؟!
عشق: انت ازاى تتكلم عنى بالطريقة دى وتحرجنى كده؟
فهد: لا اله الا الله احرجتك فى ايه انا مش انتى كنتى عايزة تروحى مع اصحابك الكلية مش معايا وقولتلى طالما راجل قول انت لجدى ادينى قولتله مالك مضايقة ليه؟!
عشق بتوتر: ولا مضايقة ولا حاجة انا مبسوطة جدا ع فكرة وبعدين ايه اللى غيرك بالشكل ده؟!
فهد: وانتى مالك
عشق بثقة: انا عارفة انك عملت كل ده عشانى
فهد بنظرة ثاقبة: انا عملت كده عشان نفسى وانتى مش نوعى المفضل يا انسة عشق عن اذنك
قال كلمته الاخيرة بغمزة وسابها ومشى وهى حسيت بالاحراج اتجمعت الدموع فى عيونها طلعت تجرى ع اوضتها وانفجرت بالعياط
وصل فهد ع الشركة وسط انظار الجميع ومفيش حد من الموظفين عرفه وصل ادام السكرتيرة وقال: صباح الخير يا نورين هاتيلى الملفات اللى واقفة ع الامضة ع مكتبى
نورين: ايه هو اصله ده استنى عندك يا اخينا انت هى وكالة من غير بواب انت رايح فين؟!
فهد: داخل ع مكتبى فيه مشكلة!
نورين: مكتب مين؟ ده مكتب استاذ فهد وبعدين انت تبقى مين؟!
فهد بغمزة: انا استاذ فهد تحب اوريكى البطاقة
نورين بصدمة: استاذ فهد انت احلويت كده ليه؟!
فهد مقدرش يمسك نفسه وضحك بصوت عالى ... نورين باحراج: انا اسفة جدا يا فندم انت عارفنى صريحة ودبش
فهد: ما هى خفة دمك دى اللى مصبرانى عليكى والله اخلصى عندنا شغل واطلبيلى قهوة يالا بسرعة
دخل فهد ع المكتب وكان سيف وصل ولقى نورين واقفة مسبلة للباب ... سيف: مالك يا بنتى؟!
نورين: بقى حلو اوى يا جدع يخربيت كده هو فيه كده بجد
سيف وهو بيقرب من ودنها بهمس: وتفتكرى خطيبك لو سمعك بتقولى كده هيعمل فيكى ايه😂
نورين اللى انتبهت ع نفسها: اعوذ بالله من الخبث والخبائث ربنا يجعل كلامنا خفيف عليه يا فندم
سيف: ربنا يهديكى هاتى الملفات واطلبيلى انا كمان قهوة
نورين: حاضر يا فندم
دخل سيف ع فهد اللى كان عمال يصفر ويقوله: يا ابن الذين وربنا انا لحد الان مش مصدق انك فهد
فهد: وحياتك ولا انا بس مش مهم انا كده زى الفل
سيف: بس انا بعتب عليك ع الاحراج اللى سببته لعشق ادامنا
فهد: ليه هى عندها دم وبتحس زينا؟!
سيف: فهد متظلمهاش انت عارف ان عشق لسه بيور وبطبيعتها وع فكرة بقى كانت مفتقداك جدا لما سافرت
فهد: انا عارف انك بتقولى كده عشان اصفى من ناحيتها بس لا لازم اطلع عليها كل اللى عملته فيا السنين اللى فاتت
سيف: والله العظيم ما بكدب يعنى انت عايز تقنعنى انك مشوفتش الرسايل اللى بعتتها ليك؟!
فهد باستغراب: رسايل ايه دى؟
غمزله سيف: لا دى شوفها بنفسك يا صاحبى انا رايح ع مكتبى
الفضول قتل فهد وبالفعل فتح فونه واتفاجئ بماسدجتها بقى يقرأها وهو مبتسم: وبعدين معاكى يا عشقى حيرتنى معاكى بس معليش لازم اقرص ودنك عشان تحرمى تتعبينى
فى الكلية عند فجر كانت واقفة مع شاب بتتكلم معاه وبتضحك وبالصدفة كان اسد خارج من مكتبه ( اسد دكتور عند فجر فى نفس القسم) شافها واتضايق جدا راح سحبها من ايدها من غير كلام واخدها لحد العربية وركبها وقفل الشباك
فجر بزعيق: ايه الهبل ده يا اسد انت ازاى تعمل كده؟!
اسد وعيونه بتطق شرار: مين الواد ده وكنت واقفة معاه بتضحكى كده ليه؟
فجر وهى رافعة حاجبها: وانت مالك انت!
فجأة مسكها اسد من رقبتها وقرب وشها ليه وطبع قبلة مليانة بالشغف ع شفايفها و ..........................
وبما ان البارت خلص اذكروا الله وصلوا على سيدنا محمدﷺ
#من_اجل_حبها_تغيرت 3
#يتبع
#بقلم_نشوه_عادل
